عقول سودانية تكسر المستحيل وتدخل التصنيف العالمي بأول اختراع طـبي للذكاء الاصطناعي! .. ​✍️ بقلم: مدين ياسر

سودان تمورو

براءة اختراع علمى بايدى طلاب جامعات سودانية
​”لا حياة لمن تنادي”.. براءة اختراع طبية سودانية بمواصفات عالمية، مصيرها أدراج الإهمال!
​في وقت بلدنا غرقان في الأوجاع، وفي وقت أهالينا بيمو توا بمرض السر-طان والأورام الخبيـ..ـثة لمجرد إنهم ما لقوا تشخيص صحيح أو علاج في الوقت المناسب.. في وسط الظلام ده كله، بيطلع نور من قلب المعاناة، لكن للأسف، بنطفيه بأيدينا!
​هل بتصدقوا إنو في 5 طلاب سودانيين، من خريجي كلية علوم الأشعة والتصوير الطبي (الدفعة 28) بجامعة الزعيم الأزهري، قدروا يصنعوا إعجاز طبي وعلمي حقيقي؟
​بإشراف البروفيسور القدير أحمد عبد الرحيم، التيم العبقري ده المكون من:
✨ مصطفى إبراهيم أحمد
✨ هاني عبد العزيز إدريس
✨ مروة عز الدين علي
✨ رزان بلة السيد
✨ خديجة أحمد آدم
​الشباب دول صمموا نموذج ذكاء إصطناعي متقدم سموه “Spectrum A5” مدمج بتقنية الـ Radiomics فائقة الدقة لتشخيص “أورام الدماغ”.. الأول من نوعه على مستوى السودان، ورقم 342 على مستوى العالم! 🌍
​🧠 الصدمة وين؟
​الصدمة إنهم عملوا الإنجاز ده لوحدهم تماماً.. دون أي دعم هندسي خارجي!
​النموذج ده مش بس بيشخص الورم إذا كان حميد أو خبيث، ده بيقوم بمهام عجزت عنها مستشفيات كاملة:
​يتنبأ بمدى إستجابة الورم للعلاج الكيميائي أو رفضه ليه (عبر خصائص GLCM Contrast و GLCM Hemogenicity)، يعني بيوفر على المريض شهور من العلاج التجريبي الجسدي والمادي!
​يحدد بدقة سرعة انقسام الخلايا وانتشار الورم في الدماغ (عبر خصائص SSA ,SSV و FOM, FOE).
​ورغم إنو البيانات الطبية المتاحة ليهم في السودان كانت محدودة جداً، إلا إنو النموذج حقق أرقام قياسية مذهلة:
​دقة (Accuracy) وصلت لـ 75.3%
​نجح في تشخيص 18 حالة صحيحة من أصل 24 حالة بدقة متناهية!
​⚠️ الواقع المؤلم.. والنداء الأخير!
​عارفين الشباب ديل أسي وين بعد التخرج؟
بدل ما تتبناهم وزارة الصحة، أو مراكز الأبحاث، أو شركات التقنية، ويمسكوا إدارة وتطوير الحقل الطبي.. الشباب دول أسي مشوا زي بقية الشباب يشتغلوا في “أعمال هامشية” عشان لقمة العيش!
​يعز علينا والله.. يعز علينا جداً إنجاز بالضخامة دي يترمي في الرف، لحد ما تجي دولة غربية أو جهة دولية “تختطف” العقول دي وتتبنى المشروع، ويبقى شبابنا وخيرنا لغيرنا، ونرجع نحن نشتري التكنولوجيا دي بملايين الدولارات!
​📢 مناشدة من القلب.. شار-كوا المنشور ليصل للمسؤولين
​أنا بصفتي كشخص بسيط، لا أملك لهؤلاء الأبطال سوى قلمي وصوتي، وبوجه رسالتين:
​1️⃣ إلى الجهات المختصة والمسؤولين في الدولة: التفتوا لهؤلاء الشباب! احتضنوا مشروع Spectrum A5 قبل ما يفوت الأوان ونتباكى على هجرة العقول.
2️⃣ إلى عباقرة البرمجيات ومهندسي الذكاء الاصطناعي في السودان: تواصلوا معي فوراً.. الشباب محتاجين دعمكم لتطوير النموذج وتحسينه عشان يكون بأيدي سودانية 100% ونرفع بيه بلدنا وننفع بيه أهالينا.
​تيم Spectrum A5 جاهز ومستعد للتعاون الدولي والعالمي لإنقاذ الأرواح.. فهل من مجيب؟